Ընտրացանկ
Ազդագիր
Փորձի փոխանակումն անհրաժեշտ է ու միշտ արդյունավետ

Մարտի 28-31-ը ԱՀ մշակույթի , երիտասարդության հարցերի և զբոսաշրջության նախարարության աշխատակազմը (բաժինների ղեկավարներ) նախարար Սերգեյ Շահվերդյանի գլխավորությամբ ՀՀ մշակույթի նախարարության հետ համագործակցության ծրագրի շրջանակում գտնվում էր Երևանում:

Աշխատանքային այցի ընթացքում ՄԵՀԶ նախարարության պատվիրակությունը հանդիպումներ ունեցավ ՀՀ մշակույթի նախարարության աշխատակազմի ղեկավարի ու վարչության պետերի հետ:Փորձի փոխանակաման նպատակով հանդիպումներ կազմակերպվեցին համապատասխան մասնագետների միջև: Աշխատանքային հանդիպումները շարունակվեցին նախարարության առանիձին ստորաբաժանումներում և ենթակա ոչ կառուցվածքային ստորաբաժանումներում:Առանձին ստորաբաժանումների միջև քննարկվեցին ոլորտային քաղաքականության ու հետագա սերտ համագործակցության հեռանկարներ: Ձեռք բերվեցին մի շարք պայմանավորվածություններ ու հստակեցվեցին նախկինում քննարկված ծրագրերը:Մարտի 30-ին ՀՀ և ԱՀ մշակույթի գերատեսչությունների ղեկավարները՝ Արմեն Ամիրյանն ու Սերգեյ Շահվերդյանը, հանդես եկան համատեղ մամուլի ասուլիսով, որը հիմնականում վերաբերում էր երկու հայկական պետությունների՝ մշակութային ոլորտում համագործակցությանը:Ըստ ծրագրի նախատեսված էր նաև մշակութային ժամանց. այցելություններ եղան տարբեր պատմամշակութային վայրեր: ՀՀ մշակութային նախարարության հրավերով արցախյան գործընկերները ներկա գտվեցին նաև թատերական ներկայացման և <<Ծիծեռնակ>> ազգային երաժշտական մրցանակաբաշխությանը:

Վերջին հայտարարություններ