Ընտրացանկ
Ազդագիր
Մամլո հաղորդագրություն

2017թ. սեպտեմբերի 1-ին՝ժամը 20:30-ին, Շուշիի Ռեալական ուսումնարանի բացօթյա տարածքում տեղի կունենա Հարո Ստեփանյանի «Սասունցի Դավիթ» հերոսական օպերայի համաշխարհային պրեմիերան ՀՀ Նախագահի Տիկին Ռիտա Սարգսյան իբարձր հովանու ներքո, ԼՂՀ մշակույթի և երիտասարդության հարցերի նախարարության և ՀՀ մշակույթի նախարարության աջակցությամբ: Ներկայացումը նվիրվում է Արցախի անկախության օրվան, Շուշիի ազատագրման 25-ամյակին և Հարո Ստեփանյանի ծննդյան 120-ամյակին:

Նախագծի հեղինակ և գեղարվեստական ղեկավար`Սարինե Ավթանդիլյան

Դիրիժոր` Սուրեն Շահիջանյան /Ֆրանսիա

Ռեժիսոր` Արմեն Փիրի Մասիհի

Խորեոգրաֆ ՝Արսեն Մեհրաբյան /Շվեդիա

Խմբավար՝ Սոնա Հովհաննիսյան

Դաշնակահար-կոնցերտմայստերներ՝ Զարուհի Թոփչյան, Լյուդմիլա Խորոզյան

Անիմացիայի ռեժիսորներ՝ Սերժ Գաբյան, Արմեն Փիրի Մասիհի

Ոճաբան-գրիմարար՝ Սվետլանա Խոմուտովա

                          

Ալ. Սպենդիարյանի օպերայի և բալետի ազգային ակադեմիական թատրոնի նվագախումբ և բալետային խումբ /թատրոնի գեղարվեստական ղեկավար` Կոնստանտին Օրբելյան

 

Հայաստանի պետական «Հովեր» կամերային երգչախումբ /գեղ. ղեկավար և խմբավար` Սոնա Հովհաննիսյան

 

Մեներգիչներ՝

Դավիթ՝ Մկրտիչ Բաբաջանյան / Գերմանիա

Մսրա Մելիք՝   Հայկ Տիգրանյան

Քեռի Թորոս՝   Հովհաննես Անդրեասյան

Ձենով Օհան՝ Հովհաննես Ներսեսյան

Վերգո՝ Պերճ   Քարազյան

Արտատեր Պառավ՝ Սոֆյա Թումանյան

Խանդութ՝ Սիրանուշ Գասպարյան

Սասնեցի աղջիկ՝ Արծվիկ Դեմուրճյան

Չմշկիկ՝ Նարինե Անանիկյան

Իսմիլ Խաթուն՝ Քրիստինե Սահակյան

Մսրա Մելիքի քույր՝ Թամարա Դադոյան

Մսրա ծեր զինվոր՝ Սարգիս Աղամալյան

Մսրա հարկահաններ.

Կոզբադին՝ Սերգեյ Սարգսյան

Սյուդի՝ Արմեն Զաքյան

Բադի՝ Գրիգոր Աբրահամյան

Չարխադին՝ Արմեն Գրգորյան 

 

Առաջատար մենապարուհի՝ Սյուզաննա Փիրումյան

«Սասունցի Դավիթ» օպերան Հարո Ստեփանյանը գրել է 1936թ: Լիբրետոն գրել է Դերենիկ Դեմիրճյանը ըստ «Սասունցի Դավիթ» հայ ժողովրդական էպոսի:

«Սասունցի Դավիթ» հերոսական օպերան` իր ինքնատիպ վիպապատմողական երաժշտական լեզվով և ազգային ոգով, հայկական օպերային արվեստի զարգացման նշանակալից փուլ է նշանավորում: Արցախում «Սասունցի Դավիթ» օպերայի անդրանիկ ներկայացումը մշակութային կարևորագույն  իրադարձություն է:

 Կոմպոզիտոր Հարո Ստեփանյանը ծնվել է 1897թ. Ելիզավետպոլում /այժմ՝ Գանձակ: Մասնակցել է առաջին համաշխարհային պատերազմին: 1919թ. մեկ տարի սովորել է Թիֆլիսի կոնսերվատորիայում Ա. Տեր-Ղևոնդյանի դասարանում, իսկ 1923 թ. ընդունվել է Մոսկվայի Գնեսինների անվան երաժշտական ուսումնարան Միխայիլ Գնեսինի ստեղծագործական դասարան, այնուհետ սովորել է Լենինգրադի կոնսերվատորիայում Վ. Շչերբակովի ստեղծագործական դասարանում։ 1927-1929 թթ. ամռանը Ստեփանյանը մասնակցել է Քրիստաֆոր Քուշնարյանի կազմակերպած ժողովրդական երաժշտության հավաքման արշավին։ Հայաստանի տարբեր շրջաններում, հատկապես Շիրակում, նրանք գրի են առել 350-ից ավելի հայկական և քրդական մեղեդիներ։ 1930 թվականից մշտական բնակություն է հաստատել Երևանում։ Հեղինակել է հինգ օպերա, երեք սիմֆոնիա, բազմաթիվ երգեր, ռոմանսներ, կամերային-գործիքային ստեղծագործություններ։ 1930-1934 թթ. ղեկավարել է Երևանի Կոմիտասի անվան կոնսերվատորիայի ստեղծագործական դասարանը, 1938-1947 թթ.Հայաստանի կոմպոզիտորների միությունը: 1938 թ. ընտրվել է Հայաստանի Գերագույն խորհրդի պատգամավոր։1960թ. արժանացել է Հայաստանի ժողովրդական արտիստի կոչման:

 

Վերջին հայտարարություններ