Ընտրացանկ
Ազդագիր
Համագործակցությունը Թեհրանի «Զարթօնք» և «Սիփան» պարային համույթների հետ շարունակվելու է
Հունվարի 31-ին Արցախի Հանրապետության մշակույթի և երիտասարդության հարցերի նախարար Նարինե Աղաբալյանը հյուրընկալել է Թեհրանի «Զարթօնք» և «Սիփան »պարային համույթների գեղարվեստական ղեկավար Լորեթա Ավեդիսյանին և համույթի ծնողական խորհրդի անդամներ՝ Արթին Մուրադյանին, Ալֆրեդ և Ռոբերտ Շահնազարյաններին, Վահիկ Ասատրյանին ու  Անտոն Տեր-Հովհաննիսյանին:
Հյուրերն Արցախ են այցելել ՊԲ-ին նվիրատվություն անելու նպատակով: Նվիրահավաքը տեղի էր ունեցել Թեհրանում «Զարթօնք» պարային համույթի մասնակցությամբ և Գերաշնորհ Սրբազան հայր Սեփուհ Սարգսյանի օրհնությամբ  ու առաջնորդությամբ: 
Ողջունելով ներկաներին՝ Նարինե Աղաբալյանն ասաց, որ «Զարթօնք»-ի հետ համագործակցությունից  ջերմ հուշեր  են մնացել, շեշտեց  հետագա համագործակցության սերտացման անհրաժեշտությունը՝ ինչպես Թեհրանի հայկական մշակութային կոլեկտիվների, այնպես էլ պարսիկ մշակութային գործիչների հետ:
 Երկուստեք կարևորվեցին  նաև փոխայցելությունները: 
Թեհրանի «Զարթօնք» և  «Սիփան» պարախմբեր հաճախում են շուրջ 890  սաներ,  այդ թվում՝ պարսիկ երեխաներ: 
 
Վերջին հայտարարություններ